泰國死亡鐵路,泰國鐵路,泰國火車,Death railway,泰國自由行

泰國死亡鐵路,泰國鐵路,泰國火車,Death railway,泰國自由行

好多香港人去旅行都鍾意坐觀光火車旅遊,泰國亦有非常出名嘅死亡鐵路(Death railway)-泰緬鐵路,死亡鐵路沿桂河而建,建於二次世界大戰,由於當時設備落後,加上戰爭同傳染病肆虐既情況下,數萬名工人喪生,死亡鐵路因而得名。

 

逢周末曼谷通武里(Thon Buri)火車站會開出一班觀光列車行死亡鐵路,沿途經過佛統府、桂河大橋、南多等景點,火車會係重點景點停低一陣,咁你就可以落車周圍行下,食下地道小食,終點南多站會停2個鐘後再沿路折返,足夠時間去睇著名嘅南多瀑布。

 

俾個建議大家,買車飛時記得買左手邊位,咁就可以好無保留咁欣賞沿途優美風景(但全部人都坐左手邊,架車會唔會危險㗎),仲有部份路程都會幾驚險,因為石壁同火車只係一掌之隔,為安全大家唔好亂伸手出車外喇 !