MaMa小故事06-有咩野比粗口更難聽

首先,係度恭祝大家新年快樂,身體健康。好耐冇坐低寫長文,不過今日發生左件事,真係好想舒發下。

年初四正式開工,今日第一個客人係問廣東省套票嘅查詢,都係一般正常嘅交談,正當要準備付款訂購嘅時候,客人就講:「我俾左錢,你即刻執笠咁點算?我唔會啦,你咁細間。」新年流流俾人咁樣祝福,真係大吉利是,咁何苦你仲要黎問我地package 呢?

開頭諗住呢句潛台詞點講得出口,神奇嘅事就係呢一刻出現,排係佢後面黎問台灣package嘅一對熟客情侶竟然講:「你嫌人哋就咪上黎問,邊有人新正頭咒人執架。」下刪三千字,不過我地係度都要多謝呢對俠侶嘅俠義心腸。

差不多嘅故事,其實已經係之前嘅故事03、05都講過,真係想請教咁多位版友,點樣先可以完美解答呢個咁難答嘅問題。

我諗:以後新年,各位唔好再祝我地新年快樂之類,從此以後請大家改改口,恭祝Travel MaMa永恆♾,謝謝!